|
|
| მთავარი » ფაილები » ლექსები | [ მასალის დამატება ] |
Leqsebi Iaze Da Dedaze / ლექსები იაზე და დედაზე
| 2012-04-28, 1:37 PM | |
 რა ყვავილს ვგავარ, თუ იცით? კარგათ შემხედეთ, აბა... ცისფერი ქუდი მახურავს, მაცვია ლურჯი კაბა. ბაღში ვარ, ხელით მატარებს ჩვენი მებაღე ძია, თავზე პეპელა მაზის და იცით? მე ია მქვია. ნოდარ დუმბაძე **** ია ველში ია ამოვიდა მიიხედა, მოიხედა, მწყურიაო! - ჩუმადა თქვა, დაძახება ვერ გაბედა. ზღვის ორთქლი და ოხშივარი, რაც ცას დღისით აეწურა, ცვარ-ნამებად გარდაქმნილი იას გულზე დაეპკურა. გაზაფხულის კოხტა ყვავილს გულს სიამე მოეფინა, ველს სალამი მისთავაზა და მადლობით ცას შესცინა. კოპწიას და ჩანასკულსა, ლურჯქათიბა-კაბიანსა მთაც ნაკადულს უგზავნიდა ცივწინწკლება ქაფიანსა. და უთვლიდა გამარჯვებას, ცხონდა თქვენი მშობელიო, აქ ეს არის, მანდ შენა ხარ გაზაფხულის მთხრობელიო... ველში ია ცქრიალებდა, კლდეზე წყარო ჩქრიალებდა, მთა და ბარში გაზაფხულის უხვი მადლი ტრიალებდა... **** იის ნატვრა - რას ინატრებ, იავ, რასა? - წვიმის ხმასა წკრიალასა. მუდამ ასე ვამშვენებდე საქართველოს იალაღსა. ***** შენით თენდება, შენით ღამდება, ჩემო ძვირფასო დედა! გთხოვ ,მაპატიე შენი სიცოცხლე მე თუ ვაქციე ცრემლად დედა შვილისთვის ყველაფერია, შვილი დედისთვის-სევდა, ფიქრთ და დარდით გაჭაღარავდი, განა ვერ ვამჩნევ? ვხედავ. გკოცნი, გეხვევი, გეალერსები, თვალ-სევდიანი რომ ხარ, შეცდომებს აღარ გავიმეორებ თუკი მეორედ მოვალ. უცებ ბავშვივით გადავიქცევი როცა მომაპყრობ მზერას, წარსულს ,დღევანდელს და მომავალსაც ბავშვის თვალებით ვხედავ. იმედიანი დღე ხვალინდელი ვინ გამითენოს ნეტავ? ქვეყნად ორია ჩემი მშველელი მაღლა-ღმერთი, აქ-დედა | |
| ნანახია: 943 | რამოტვირთვები: 0 | რეიტინგი: 0.0/0 | |
| სულ კომენტარები: 0 | |
მენიუ
| ფილმები [117] |
| თამაშები [588] |
| პროგრამები [339] |
| ქართულად ფილმები [194] |
| ანეკდოტები [25] |
| ინდური ფილმები [46] |
| სკრიფრები [43] |
| კლიპები [80] |
| ლექსები [57] |
| სურათები [31] |
| მუსიკები [11] |
| მობილურისთვის [15] |
| ანიმაციები [68] |
| სერიალები [0] |
| ვიდეო გაკვეთილები [4] |
| Counter Strike [26] |
| დიზაინები [33] |
| საქართველოს ისტორია [6] |
| სასაცილო ვიდეოები [7] |
| სატელევიზიო არხები ONLINE [8] |
| სამზარეულო [2] |
მინი-ჩეთი
ჩვენი გამოკითხვა
სტატისტიკა
სულ ონლაინში: 1
სტუმარი: 1
მომხმარებელი: 0
ბოლო კომენტარები